GÖRÜNTÜ

 

Görüntülərim

Sənə yaxın uzaqlardan,

                            Sıçrayır.

Gözlərimdə Şəhər, acıyır

Zaman,

Ayaqlarımın altında közərir...

 

Özümə doğru gedirəm

Baxışlarının dar keçidlərində,

İtirəm... Habelə itilirəm

Dil ucumda gəzən

İtik sözcüklərlə birgə!

MƏNGÜLƏŞMƏK*

 

 

Alnımdan qopan izlərdir... yollar...

Baxışlarına alınıram

                İzlərini aldığımda

Yollar kimi,

Alınlara alınarkən

                Yollaşıram...

 

Yollaşmaq gücü məndə

Yollanmaq zoru səndə

Yol kimi

        İzlərinin altından                                            

Alnına alınarkən

                Sənlə birgə yollaşıram, yollaşırıq

                                                    Yollar kimi

                                                         Məngüləşirik!

ــــــــــــــــــــــــــــــــــــــ

* Əbədiləşmək